बडबड गीत - एक होता कावळा

बडबड गीत - एक होता कावळा...

एक होती चिमणी
एक होता कावळा ,
कावळा होता काळा
तिचा रंग सावळा

चिमणी होती दयाळू
सर्वांसाठी ती कनवाळू ,
कावळ्याचा स्वार्थी स्वभाव
सद्गुणांचा भारी अभाव

चिमणी होती जिद्दी
करायची ती कष्ट ,
खोडकर होता कावळा
घरटे करायचा नष्ट

एक दिवस चिमणीला
समजला त्याचा प्रकार ,
पक्ष्यांच्या राजाला तिने
केली त्याची तक्रार

मोराने दिला आता
कावळ्याला मोठा दंड ,
आजपासून कावळ्याला
सर्वांचे घर बंद

शिक्षा ऐकून कावळा
लागला आता रडू ,
माफी मागायला
हात लागला जोडू

माफ कर ताई
कावळ्याचे एेकले बोल ,
परत नाही होणार
आता दार खोल

✍🏻श्री. विपुल उत्तम आढाव✍🏻