कवितेचे शीर्षक - तुझी साथ

कवितेचे शीर्षक - तुझी साथ

कधी दूरवर पाहता
क्षितिजाची जाणीव होई ,
मन विचारात गुंतता
तुझीच आठवण येई

येता आठवण तुझी
मन स्वतःतच रमवी ,
तुझ्या गोड आठवणी
हृदयास माझ्या हसवी

गंध दरवळे फुलांचा
त्यापरि साथ तुझी ,
जणू सुंगांधित अत्तराची
अक्षय कुप माझी

किरणे उगवत्या सूर्याची
देई उत्साह प्रकाशमय ,
गुण तुझ्याकडून शिकावा
त्याग समईतील ज्योतीसम

रात्रीच्या निरभ्र आकाशात
शितलता चंद्राच्या प्रकाशाची ,
साथ मला द्यावीस
जशी सोबत नक्षत्रांची

✍️ श्री.विपुल आढाव ✍️